ମୋ ଆଈମା ସ୍ବାସ୍ଥ୍ଯ କଥା

 *ମୋ ଆଈମା ସ୍ବାସ୍ଥ୍ଯ କଥା - 40 ପ୍ରାଣୀମାନଙ୍କ ପାଣି ପିଇବା ଅଭ୍ୟାସରୁ ଆମେ କଣ ଶିଖିବା... * ଏହି ପ୍ରାଣୀମାନଙ୍କର ପାଣି ପିଇବା ଅଭ୍ୟାସକୁ ଭଲ ଭାବେ ଦେଖନ୍ତୁ l କେତେ ଧୈର୍ଯ୍ୟ ଓ ସଂଯମ ସହିତ ଏମାନେ ପାଣିକୁ ପୂରା ସମ୍ମାନର ସହ ଧୀରେ ଧୀରେ ପାଣି ପିଇଥାନ୍ତି l ମଣିଷମାନେ ଏମାନଙ୍କ ଠାରୁ କିଛି ଶିଖିବା ଉଚିତ l ତେଣୁ ଆଜିର ସ୍ୱାସ୍ଥ୍ୟ କଥାରେ ଆମେ କିଛି ବିଶେଷ ସ୍ୱାସ୍ଥ୍ୟ ବିଜ୍ଞାନ ଉପରେ ଆଲୋକପାତ କରିବା ଯାହାକି ପାଣି ଉପରେ ରହିବ....  👉 ଆମ ଶରୀରରେ 70% ଖାଲି ଜଳ ତେଣୁ ଜଳ ଅଭାବ ହେଲେ ଅଧିକାଂଶ ପିତ୍ତ ଜନିତ ରୋଗ ଆମକୁ ମାଡ଼ିବସେ l ଗୋଟିଏ ଲୋକ ଗୋଟିଏ ଦିନରେ ସେତିକି ପାଣି ପିଇପାରିବ ଯେପର୍ଯ୍ୟନ୍ତ ତାର ପରିସ୍ରା ହଳଦିଆ ଲାଗି ରହୁଛି l ଧଳା ହେଲେ ଜାଣିବେ ଶରୀରରେ ପାଣି ଠିକ ଅଛି l 👉 300 ml ରୁ ଅଧିକ ପାଣି ଗୋଟିଏ ସମୟରେ ପିଅନ୍ତୁ ନାହିଁ l ଯଦି ଶୋଷ ହେଉଛି ବେଶୀ 10-15ମିନିଟ ଛାଡି ପୁଣି 300ml ପିଇପାରିବେ l ଏହା ଦ୍ୱାରା ଶରୀରରେ କଫ ନିୟନ୍ତ୍ରିତ ରହେ l 👉 ବସିକି ପାଣି ପିଇବା ଉଚିତ l ଚକା ପକେଇ ନପାରିଲେ ଚୌକି ଉପରେ ବସି ପିଇପାରିବେ l 👉 ସବୁବେଳେ କୁଳୁ କୁଳୁ କରି ବା ଢୋକ ଢୋକ କରି ବିଲକୁଲ ଆରାମରେ ସମୟ ନେଇ ପାଣି ପିଇବା ଉଚିତ l ଏହା ଦ୍ୱାରା ମଣିଷ କେବେବି ଅଧିକ ମୋଟା ବା ପତଳା ହୋଇନଥାଏ l କିଡ଼ନୀ ରୋଗ ପାଇଁ ବହୁତ କାମ କରେ, Dialysis ପ୍ରକ୍ରିୟାରେ ସୁଧାର ଆଣିଥାଏ l 👉 ବର୍ଷ...

 ମୋ ଆଈମା ସ୍ବାସ୍ଥ୍ଯ କଥା - 45 (A) ଖାଦ୍ୟ ପ୍ରାଣ(୧) 'କ' ଯୁକ୍ତ ଖାଦ୍ୟ ଉପରେ...  👉 ଆମେ ପ୍ରତିଦିନ ଯେଉଁ ଭୋଜନ କରୁ ସେଥିରେ ଅଳ୍ପେ ବହୁତେ ଶ୍ବେତ ସାର, ପୁଷ୍ଟି ସାର, ସ୍ନେହ ସାର, ଜୀବସାର ବା ଖାଦ୍ୟ ପ୍ରାଣ, ଖଣିଜ ଲବଣ ଓ ଜଳ ପ୍ରଭୁତି ୬ଟି ଉପାଦାନ ଥାଏ । ଶରୀର ସର୍ବଦା କାର୍ଯ୍ୟକ୍ଷମ ରହିବାକୁ ଯେଉଁ ଶକ୍ତି ଓ ଉତ୍ତାପ ଆବଶ୍ୟକ କରେ ସେ ଶକ୍ତି ତାକୁ ଶ୍ୱେତସାର ଖାଦ୍ୟରୁ ମିଳେ। ଶରୀର ଇଞ୍ଜିନ ଚଳାଇବା ପାଇଁ ଏହି ଏହି ଉପାଦାନ ଠିକ ଇନ୍ଧନ ସଦୃଶ କାମ କରେ। ଏହି ଉପାଦାନ ଗୁଡିକ ମନୁଷ୍ୟ କୁ ଅଙ୍ଗ ପ୍ରତ୍ୟଙ୍ଗ, ପାକସ୍ଥଳୀ, ହୃଦ ଯନ୍ତ୍ର, ଫୁସଫୁସ, ମସ୍ତିଷ୍କ, କିଡନୀ ପ୍ରଭୁତି ଠିକ ସଞ୍ଚାଳନ ପାଇଁ ଶକ୍ତି ଯୋଗାଇ ଥାଏ । ଏହାର ଅଭାବ ଘଟିଲେ ଶରୀର ନିସ୍ତେଜ ଏବଂ ଦୁର୍ବଳ ହୋଇପଡେ। ଶରୀରର କୌଣସି ଯନ୍ତ୍ର ଠିକରେ କାମକରେ ନାହିଁ । ଆଳସ୍ୟ ଦେଖା ଯାଏ । ସର୍ବଦା ଶୋଇ ରହିବାକୁ ଇଛା ହୁଏ । ପୁଣି ଉପଦାନ ଗୁଡିକ ଶରୀରକୁ ମିଳିଗଲେ ଶରୀର ସକ୍ରିୟ ହୋଇ ଉଠେ। ବିଶେଷ ଏହି ଉପାଦାନ ଗୁଡିକ ଚାଉଳ, ଗହମ, ମାଣ୍ଡିଆ, ଚୁଡା, ମକା, ଗୁଡ଼, ମହୁ, ଆଖୁ, ଚିନି, କ୍ଷୀର, ଆଳୁ, କନ୍ଧ ମୂଳ ଆଦିରୁ ମିଳିଥାଏ । ଖଜୁରୀ, କିସମିସ୍, ପାଚିଲା କଦଳିରୁ ମଧ୍ୟ ଶର୍କରା ଜାତୀୟ ଖାଦ୍ୟ ବିଶେଷ ଭାବେ ମିଳିଥାଏ । ଚିନି ବଦଳରେ ଆଖୁ ରସ, ଗୁଡ଼, ତରୁଭୂଜ ଆଦି ଖାଇଲେ ଶରୀରର କୌଣସି କ୍ଷତି ହେବାର ଆଶଙ୍କା ନ ଥାଏ ।  👉 ପୁଷ୍ଟି ସାର ଅର୍...

 *ମୋ ଆଈମା ସ୍ୱାସ୍ଥ୍ୟ କଥା - 51 ଦୁବ ଘାସର ଔଷଧୀୟ ଗୁଣ ଉପରେ... ଆଜିର ମୋ ଆଈମା ସ୍ୱାସ୍ଥ୍ୟ କଥାରେ ଆୟୁର୍ବେଦ ସହିତ ଏକ ସାଂସ୍କୃତିକ କଥାଟିଏ ମଧ୍ୟ ରହିଛି l ଆଜି ଆମେ ଜାଣିବା...  👉 ଶ୍ରୀ ଗଣେଶ ଭଗବାନଙ୍କୁ କଣ ପାଇଁ ଦୁବ ଘାସ ଅର୍ପଣ କରାଯାଏ?              👇 ପୌରାଣିକ👇  ଏକଦା ଅନଳାସୁର ନାମରେ ଏକ ଅତ୍ୟାଚାରୀ ରାକ୍ଷସ ଏହି ଧରାମଣ୍ଡଳରେ ପ୍ରକଟ ହେଇ ନିଜର ପ୍ରଚଣ୍ଡ ଅଗ୍ନି ଦ୍ୱାରା ଦେବତା, ମାନବ ସମସ୍ତଙ୍କୁ ଗିଳି ଦେଇ ସମସ୍ତ ଲୋକରେ ହାହାକାର ସୃଷ୍ଟି କରୁଥିଲା l ତାକୁ ସାମ୍ନା କରିବାର କ୍ଷମତା ସ୍ୱୟଂ ଦେବରାଜ ଇନ୍ଦ୍ରଙ୍କ ପାଖରେ ମଧ୍ୟ ନଥିଲା l ଧରିତ୍ରୀ ମାତା ଠାରୁ ଆରମ୍ଭ କରି ସମସ୍ତ ଦେବୀଦେବତା ରାକ୍ଷସର ଅତ୍ୟାଚାରର ଅତିଷ୍ଟ ହୋଇ ଦେବ ଦେବ ମହାଦେବଙ୍କ ପାଖରେ ଯାଇ ପହଁଚିଲେ l ମହାଦେବ କହିଲେ ଶ୍ରୀ ଗଣେଶ ହିଁ ଆପଣମାନଙ୍କୁ ସହାୟକ ହେବେ କାରଣ ସେ ବିଘ୍ନହର୍ତା ଅଟନ୍ତି l ତାପରେ ଦେବଗଣ ଶ୍ରୀ ଗଣେଶଙ୍କୁ ସ୍ତୁତି କଲେ ଏବଂ ଶ୍ରୀ ଗଣେଶ ପ୍ରକଟ ହେଇ ଦେବତାମାନଙ୍କ ସଙ୍କଟ ଦୂର କରିବା ନିମନ୍ତେ ରାକ୍ଷସ ସହ ଯୁଦ୍ଧ କଲେ ଏବଂ ପରିଶେଷରେ ତାକୁ ଗିଳିଦେଲେ l ରାକ୍ଷସକୁ ଗିଳିସାରିଲା ପରେ ଶ୍ରୀ ଗଣେଶଙ୍କ ପେଟ ଭୟଙ୍କର ଭାବରେ ଜଳିବା ଆରମ୍ଭ ହେଲା l ଶ୍ରୀ ଗଣେଶଙ୍କ ପେଟ ଜ୍ୱାଳାକୁ ଶାନ୍ତ କରିବା ପାଇଁ ଦେବତାମାନେ ନାନାଦି ଦିବ୍ୟ ଔଷଧର ପ୍ରୟୋଗ କଲେ କିନ୍...

 ମୋ ଆଈମା ସ୍ୱାସ୍ଥ୍ୟ କଥା - 54  ଗହମ ଚାରାର ରସ ଏକ ଅସାଧାରଣ ଔଷଧ ଅଟେ... ଆଈମା କହେ ପ୍ରକୃତିର ଯେତେ ସବୁ ସବୁଜ ଜିନିଷରେ ପ୍ରଚୁର ପରିମାଣରେ ଖାଦ୍ୟସାର ଭରି ରହିଛି l ସେଥିପାଇଁ ଆମେ ଆୟୁର୍ବେଦର ଔଷଧ ଭାବେ ବା ଶାଗ ଆକାରରେ ଯେଉଁ ସବୁଜ ପତ୍ର ବ୍ୟବହାର କରୁ ସେ ଜିନିଷ ଆମ ଶରୀରର ବିକାଶ କରେଇବା ସହିତ ନାନାଦି ଦୁଃସାଧ୍ୟ ରୋଗରୁ ମୁକ୍ତି ଦେଇ ଥାଏ l ଆଜିର ମୋ ଆଈମା ସ୍ୱାସ୍ଥ୍ୟ କଥାରେ କିଛି ଏଭଳି ଜିନିଷ ଆପଣମାନେ ଜାଣିବେ ଯାହାକି ଆପଣ ଜାଣିବା ଏବଂ ଅନ୍ୟମାନଙ୍କୁ ଜଣେଇବା ଦ୍ୱାରା ବହୁତ ଗୁଡ଼ାଏ ରୋଗର ସହଜ ସମାଧାନ ହେଇଯିବ l        *👇ଆଜି ଆମେ ଜାଣିବା👇* *👉ଗହମ ଚାରାକୁ କେମିତି ପ୍ରସ୍ତୁତ କରିବା?* *👉କେମିତି ଖାଇବା?* *👉କେଉଁ କେଉଁ ରୋଗରେ ବ୍ୟବହାର କରାଯିବ?* ଗହମ ଚାରା ଦୁଇଟି ଉପାୟରେ ପ୍ରସ୍ତୁତ ହୋଇପାରିବ l ଗୋଟିଏ ହେଲା ମାଟି ବ୍ୟବହାର କରି ଅନ୍ୟଟି ମାଟିର ବ୍ୟବହାର ନକରି ମଧ୍ୟ l ଯଦି ମାଟିର ସାହାଯ୍ୟ ନେଉଛନ୍ତି ତାହେଲେ ଗୋଟିଏ ଟ୍ରେ ବା ଓସାରିଆ ପାତ୍ରରେ 2 ଇଞ୍ଚର ଗୋବର ମିଶା ମାଟି ନେଇଯିବେ ଏବଂ ସେଥିରେ ଉତ୍ତମ ମାନର ଗହମ ମଞ୍ଜିକୁ 8 ଘଣ୍ଟା ପାଣିରେ ବତୁରାଇଵେ  ଗଜା ହେଇଗଲେ ତାକୁ ସେଇ ମାଟି ଟ୍ରେ ବା ଓସାରିଆ ପାତ୍ରରେ ଉପରେ ଗୋଟିଏ ସ୍ତରରେ ଗଜା ମଞ୍ଜିକୁ ପକେଇବେ ଯେପରି ଗଜାମଞ୍ଜି ସମାନ ଭାବରେ ରହିବ ବହଳିଆ ରହିବ ନାହିଁ ଗୋଟିଏ ମାତ୍ର ସ୍ତର ବା ଲେୟ...

 *ମୋ ଆଈମା ସ୍ୱାସ୍ଥ୍ୟ କଥା - 41 ଗୁଡ ଓ ଚିନି ଭିତରୁ କେଉଁଟା ଲାଭପ୍ରଦ କେଉଁଟା ହାନିକାରକ ???* ଚିନିକୁ ଧଳା ବିଷ କୁହାଯାଏ  ଯେଉଁଠି ଗୁଡ ସ୍ୱାସ୍ଥ୍ୟ ପାଇଁ ଅମୃତ ଅଟେ । କାରଣ ଗୁଡ ଖାଇବା ଦ୍ୱାରା ଏହା ଶରୀରରେ କ୍ଷାର ସୃଷ୍ଟି କରିଥାଏ । ଯାହା ଆମ ଖାଦ୍ୟ ର ହଜମ ଶକ୍ତି ବଢାଇଥାଏ । ସେଥିପାଇଁ ଖାଦ୍ୟ ଖାଇସାରିବା ପରେ ଅଳ୍ପ ଗୁଡ ଖାଇବାକୁ ଋଷି ବାଗବଟ୍ଟ  ଉପଦେଶ ଦେଇଥିଲେ । ଯେଉଁଠି ଚିନି ଅମ୍ଳ ସୃଷ୍ଟି କରିଥାଏ ଯାହା ଆମ ଶରୀର ପାଇଁ ହାନିକାରକ । ଗୁଡକୁ ହଜମ କରିବା ପାଇଁ ଶରୀରକୁ ଯଦି ୧୦୦ କ୍ୟାଲୋରୀ ଶକ୍ତି ଦରକାର ହୋଇଥାଏ । ଚିନିକୁ ହଜମ କରିବା ପାଇଁ ୫୦୦ କ୍ୟାଲୋରୀ ଶକ୍ତି ଖର୍ଚ୍ଚ ହୋଇଥାଏ । ଗୁଡରେ କ୍ୟାଲସିୟମ୍ ସହିତ ଫସଫରସ୍ ରହିଥାଏ ଯାହା ଆମ ଶରୀର ପାଇଁ ବହୁତ ଭଲ କାମ କରିଥାଏ ଏବଂ ହାଡ ତିଆରି କରିବାରେ ସାହାଯ୍ୟ କରିଥାଏ । ଚିନିକୁ ତିଆରି କରିବାପାଇଁ ଏତେ ଅଧିକ ତାପମାତ୍ରା ଦରକାର ହୁଏ ଯାହାଦ୍ୱାରା ଫସଫରସ୍ ଜଳିଯାଏ ବା ନଷ୍ଟ ହୋଇଯାଏ । ତେଣୁ ଉତ୍ତମ ସ୍ୱାସ୍ଥ୍ୟ ପାଇଁ ଗୁଡର ବ୍ୟବହାର କରନ୍ତୁ ।  ଗୁଡରେ କ୍ୟାଲସିୟମ୍. ଫସଫରସ୍ ମ୍ୟାଗ୍ନେସିୟମ୍. ପଟାସିୟମ୍. ଲୌହ ଆଦି କିଛି ମାତ୍ରାରେ କପର ନିୟସିନ ନାମକ ସ୍ୱାସ୍ଥ୍ୟ ବର୍ଦ୍ଧକ ତତ୍ତ୍ୱ ରହିଥାଏ । ବିଶ୍ଳେଷଣ ଅନୁସାରେ ଗୁଡରେ ଚିନି ଅପେକ୍ଷା ୫୦ ଗୁଣ ଅଧିକ ପୋଷକ ତତ୍ତ୍ୱ ରହିଥାଏ । ଗୁଡର ପୋଷକତତ୍ତ୍ୱ ଶରୀର ପାଇଁ ଉପଯୁକ୍ତ ଅଟେ ।...

  *ମୋ ଆଈମା ସ୍ୱାସ୍ଥ୍ୟ କଥା - 088*   ଦହିର ଅଦ୍ଭୁତ ବିଜ୍ଞାନ ଉପରେ ଗୋଟିଏ ଘରର ଗୁହାଳରେ ରହୁଥିବା ଗୋମାତାଟି ସେଇ ଘରର ପ୍ରତ୍ୟେକ ବ୍ୟକ୍ତିଙ୍କ ପାଇଁ ମା ଅଟେ ଏବଂ ଅନ୍ୟମାନଙ୍କ ପାଇଁ କେବଳ ଗୋମାତା ଅଟେ l ଆମ ମଣିଷ ସମାଜରେ ସବୁ ନାରୀମାନଙ୍କୁ ଆମେ ମା କହିନଥାଉ ସେହିପରି ସବୁ ଗୋମାତା ସମସ୍ତଙ୍କ ପାଇଁ ମା ହେଇପାରିବେ ନାହିଁ l ସେଥିପାଇଁ ତ ଅଜଣା ଲୋକଟିଏ ଗୁହାଳରେ ପ୍ରବେଶ କଲେ ଗୋମାତା ତାକୁ ମାରିବାକୁ ଚେଷ୍ଟା କରନ୍ତି କିନ୍ତୁ ଗୋମାତା ନିଜ ମାଲିକକୁ ସମ୍ପୂର୍ଣ୍ଣ ଅଧିକାର ପ୍ରଦାନ କରିଥାନ୍ତି ସହିଷ୍ଣୁତା ଏବଂ ମମତାର ଉଦାହରଣ ସାଜି l ଆଜ୍ଞାମାନେ ଆଈମା ସ୍ୱାସ୍ଥ୍ୟ କଥାର ବେଗ କୁଆଡେ ମୋଡି ହେଇଗଲା... ଆଜିର ବିଷୟ ତ ଥିଲା ଦହି ଉପରେ କିନ୍ତୁ ଆଲୋଚନା ହେଉଛି କିଏ ମା କିଏ ଗୋମାତା ଉପରେ ! ତେବେ ଯେଉଁଟା ସତ୍ୟ ତାକୁ ହିଁ ଆପଣମାନଙ୍କ ଆଗରେ ଆଜି ଉପସ୍ଥାପନ କରିବାକୁ ଆମେ ଚେଷ୍ଟା କରୁଛୁ ମାତ୍ର l ସବୁବେଳେ ଚେଷ୍ଟା କରନ୍ତୁ ଗାଈଟିଏ ପାଳନ କରିବାକୁ l କାରଣ ଯେଉଁ ଗାଈ ଆପଣ ପାଳିବେ ତାର କ୍ଷୀର, ଦହି, ଗୋବର, ଗୋମୂତ୍ର ଓ ଘିଅରେ ଯେତିକି ରୋଗ ନାଶକ ତଥା ପୋଷକ ତତ୍ତ୍ୱ ପାଇବେ ଅନ୍ୟ କୌଣସି ବାହାରିଆ ଗାଈ ଠାରୁ ପାଇପାରିବେ ନାହିଁ l ତେଣୁ ଆଜିର ବିଶେଷ ସ୍ୱାସ୍ଥ୍ୟ କଥା ପଢ଼ିବା ପୂର୍ବରୁ ନିଜ ଗାଈ କିମ୍ବା ଏମିତି ଏକ ଗାଈର ପଞ୍ଚ ଗବ୍ୟର ସେବନ କରନ୍ତୁ ଯେଉଁ ଗାଈ ଆପଣଙ୍କୁ ଜାଣିଥିବ ଏବଂ ଆପଣ ତାକୁ ସେବ...