ବିଷ୍ଣୁଙ୍କର ଷୋଳ ନାମ
ବିଷ୍ଣୁଙ୍କର ଷୋଳ ନାମ କର ହେ ଶ୍ରବଣ ।
ସର୍ବ ପାପହାରୀ ମହା ପୁଣ୍ୟପ୍ରଦ ଜାଣ ।।
ଔଷଧ ସେବନ କାଳେ ଶ୍ରୀ ବିଷ୍ଣୁ ସ୍ମରିବ ।
ଭୋଜନ କାଳରେ ଜନାର୍ଦ୍ଦନ ଉଚ୍ଚାରିବ ।।
ଶୟନ କାଳରେ ପଦ୍ମନାଭଙ୍କୁ ଭଜିବ ।
ବିବାହେ ଶ୍ରୀ ପ୍ରଜାପତି ନାମ ସୁମରିବ ।।
ଯୁଦ୍ଧେ ଚକ୍ରଧର ପ୍ରବାସରେ ତ୍ରିବିକ୍ରମ ।
ମୃତ୍ୟୁକାଳେ ଉଚ୍ଚାରିବ ନାରାୟଣ ନାମ ।।
ପ୍ରିୟଜନ ସମାଗମେ ଶ୍ରୀଧର ସ୍ମରଣ ।
ଦୁଃସ୍ବପ୍ନେ ଗୋବିନ୍ଦ ନାମ ମୁଖେ ଉଚ୍ଚାରଣ ।।
ବିପଦେ ମଧୁସୂଦନ ନାମକୁ ରଟିବ ।
ବନ ମଧ୍ୟେ ନରସିଂହ ନାମ ଉଚ୍ଚାରିବ ।।
ଅଗ୍ନି ମଧ୍ୟେ ସୁମରିବ ଜଳଶାୟୀ ନାମ ।
ଜଳ ମଧ୍ୟରେ ବରାହ କରିବ ସ୍ମରଣ ।।
ପର୍ବତେ ରଘୁନନ୍ଦନ ଶ୍ରୀରାମ ରାଘବ ।
ଯାତ୍ରାକାଳେ ଉଚ୍ଚାରିବ ଶ୍ରୀ ବାମନ ଦେବ ।।
ସକଳ କାର୍ଯ୍ୟେ ସ୍ମରିବ ମାଧବ ମାଧବ ।
ଏ ନାମ ସ୍ମରଣେ ଭବ ବାଧା ଭୟ ଯିବ ।।
ଏହି ଯେ ଷୋଡ଼ଶ ନାମ ପରମ ପାବନ ।
ପ୍ରତିଦିନ ପ୍ରାତଃକାଳେ ଉଠି ଯେଉଁ ଜନ ।।
ବିଷ୍ଣୁଙ୍କର ଏ ନାମକୁ ଉଚ୍ଚାରଣ କରେ ।
ସର୍ବ ପାପ ଧ୍ବ°ସ ହୋଇ ପୁଣ୍ୟ ମିଳେ ତାରେ ।।
ସେ ପ୍ରାଣୀ ବିଷ୍ଣୁଲୋକରେ ପାଏ ଯେ ଆଦର ।
ତହିଁ ସୁଖେ ବାସ କରେ ଯୁଗଯୁଗାନ୍ତରେ ।।
* ଜୟ ଶ୍ରୀକୃଷ୍ଣ *
Comments
Post a Comment